Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Marlow soek meer boekwurms

IS biblioteke aan die uitsterf en lees vandag se kinders nog?

Om weer lees by kinders aan te moe-dig het Carin Greyling, Afrikaansonderwyseres by Marlow, besluit om die Marlow-biblioteek op te knap sodat die seuns weer lus kry om te lees.

Met behulp van Dalina Smith, een van Marlow se ouers, het die twee vroue die vaal biblioteek in ’n lushof omskep. Tydens die Desembervakansie is al die boeke afgepak en het die biblioteek ’n nuwe laag verf gekry.

Stoffel Duvenage van Duvenage-kabinetmakers en self ’n oud-onderwyser van Marlow, het die biblioteek-tafeltjies gratis herstel en afgeskuur sodat dit splinternuut vertoon.

Twee ou gemakstoele is gekoop en netjies oorgetrek vir ’n lekker leeshoekie in die biblioteek.

Dalina het uit ou elektriese tolle ’n muurhorlosie sowel as tafeltjie gemaak. Inspirerende spreuke is teen die mure aangebring.

Nog ’n ouer, Yolande Froehlich, het mooi kussings en blindings gemaak wat die interieur mooi afrond.

Marlow se skoolhoof, Pieter Steyn, het ’n hele klomp van sy ou boeke aan die biblioteek geskenk wat beslis in die seuns se smaak sal val en hulle dalk aan die lees sal kry.

Die seuns kan ook ’n lekker potjie skaak speel en Greyling beplan om nog bordspeletjies aan te koop.

Die nuutste landboutydskrifte en plaaslike koerante word ook weekliks in die biblioteek geplaas.

Die projek is onder die vaandel van die ATKV Damestak asook Marlow se ATKV Jeugtak aangepak.

Die ATKV Hooftak het dan ook beloof om ’n klompie boeke aan die biblioteek te skenk en dit sal eersdaags arriveer.

Die skool bedank almal wat op een of ander wys betrokke was by hierdie opknap-projek van die biblioteek.

Die hoop word uitgespreek dat daar vanjaar sommer ’n hele klomp nuwe boekwurms op Marlow gaan wees.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.