Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Karoo Express
Motorfietsongeluk eis Martin Coetzee se lewe
06 September 2018

Dis met leedwese dat die gemeenskap van Middelburg op Saterdag, 25 Augustus verneem het van die afsterwe van Martin Coetzee (44), die seun van Roelie en Hilda Coetzee van Middelburg.

Martin was werksaam by Oos-Kaap Sekuriteit op Middelburg.

’n Motorfietsongeluk op 25 Augustus het Martin Coetzee, ’n inwoner van Middelburg, se lewe geëis.Foto:VERSKAF

Volgens Jakkie Mulder, ’n vriend, was Martin ’n stil, teruggetrokke, eerlike, vriendelike en eerbiedige persoon teenoor diegene wat dit verdien het.

“Vir die bikers was hy ’n vriend, broer en kameraad.”

Dit is duidelik dat Martin geliefd was onder sy vriende en die motorfietsongeluk wat sy lewe geëis het, was ’n groot skok vir sy vriende en familie.

Martin was ’n ervare motorfietsryer wat ’n lid van die “Wanted”-motorfietsklub was.

Tydens ’n gesprek met Mulder op 3 September het hy elke oomblik van die ongeluk – soos dit voor sy oë op die pad tussen Aliwal-Noord en Burgersdorp afgespeel het – woord vir woord oorvertel.

Die Saterdagoggend het hulle na die Bosbokmotorfietssaamtrek op Aliwal-Noord gery. Om ongeveer 14:45 het hulle weer vertrek na Middelburg en sowat ’n driekwartuur later het die ongeluk plaasgevind.

“Die motorfietsongeluk was nie die gevolg van enige nalatigheid of spoed nie,” het Mulder dit duidelik gestel.

“Die enigste onbetwisbare feit is dat Martin se motorfiets buite beheer geraak het as gevolg van ’n ongelykheid in die padoppervlak,” het hy in ’n verklaring aan die Mid-Karoo Express geskryf.

Die ongeluk het op ’n gelyke pad teen ’n opdraand gebeur en by nadere ondersoek ná die ongeluk het Mulder die effense ongelykheid in die teerpad raakgesien waar Martin se motorfiets reg voor hom skielik buite beheer geraak het.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Mid-Karoo Express Kontak ons
Stemme

Hallo, jy moet ingeteken wees of registreer om artikels te lees.