Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Nuwe labirint te sien by galery in Nieu-Bethesda

LABIRINT. Dít is die tema van ’n kuns-uitstalling by die Gregg Price kunsgalery op Nieu-Bethesda.

Price, ’n bekende Suid-Afrikaanse swemafrigter én suksesvolle kunstenaar, het sowat ’n jaar gelede sy galery op ’n hoekerf met ’n pragtige uitsig oor Kompasberg en Visbek geopen.

Dié Labirint-groepuitstalling sluit in skilderye, sketse, keramiek- en beeldhouwerke van verskeie gevestigde kunstenaars uit die Suid-Afrikaanse kunslandskap.

Besoekers kan uitsien na werke van onder andere Johan Stegmann, Michelle Legg, Jan Tshikhuthula, Ella Cronjé, Erika Hibbert, Aldo Brincat, Sky Salanje en Ade Kipades.

Die kunstenaars het almal met die tema Labirint in gedagte gewerk en gefokus op mitologie en argetipes.

Price sê sedert die opening van sy galery koester hy die visie om nuwe kuns- tenaars na Nieu-Bethesda en die omgewing te bring.

Hy sal ook graag wil hê dat dié galery ’n ruimte bied waarbinne Suid- Afrikaanse talent vertoon kan word.

Die Labirint-kunsuitstalling duur tot vroeg in Januarie.

Hier kan besoekers op ’n kopreis gaan terwyl hulle in stilte die labirint stap. Daar is ook die geleentheid om deel te neem aan die jaarlikse begeleide kersligwandeling teen sonsak (19:00) op Oujaars-aand.

  • Die Gregg Price Galery is op die hoek van Martin- en Gravestraat. Vir meer inligting bel 083 258 3104.
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.