Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
‘Vandag ’n leser – môre ’n leier’

DIE Amerikaanse joernalis en kampvegter Margaret Fuller het geglo: “Vandag ’n leser, môre ’n leier”.

Die personeel van Graaff-Reinet Primêre skool stem saam. Daarom doen hulle baie moeite om nuwe lewe in die skool se senior en junior biblioteke te blaas.

In die junior biblioteek is die mure reeds vrolik geverf, met tafeltjies en stoeltjies waar die kinders gemaklik kan sit en op verbeeldingsvlugte weggevoer kan word tussen die blaaie van ’n boek.

Jacqueline Rademeyer is aan die stuur van dié “nuwe lewe” in die biblioteek.

“Ons het goeie boeke van onder andere Elizabeth Eybers, Louis Leipoldt en Audrey Blignaut. Die kinders haal graag iets van ons tydskrifrak af, en ons het ’n rak vir koerante ook.

“Maar ons het meer nuwe Afrikaanse boeke en tydskrifte nodig. Iets wat kinders in die senior fase van die laerskool graag sal wil lees en waarby hulle kan aanklank vind. Enige skenkings van sulke boeke sal met ope arms verwelkom word,” het Rademeyer gesê.

Daar word jaarliks biblioteekmonitors uit die graad 6 leerders gekies om met die praktiese bestuur van die boeke en leesruimte behulpsaam te wees.

Volgens Rademeyer word daar ook beplan om die biblioteek soms ná skool vir kinders toeganklik te maak, sodat hulle daar kan sit en huiswerk doen, net soos van ’n openbare biblio-teek gebruik gemaak sou word.

“Libraries raised me,” het die Amerikaanse skrywer en Pulitzer-pryswenner Ray Bradbury gesê.

In ’n wêreld waar die aanval op kinders se morele waardes daagliks in felheid toeneem, kan die heilsame waarde van ’n goeie boek en ’n omgewing waarin geletterdheid bevorder word, nooit onderskat word nie.

  • Belangstellendes wat boeke wil skenk aan die junior of senior biblioteke van Graaff-Reinet Primêre Skool kan Jacqueline Rademeyer bel by 084 652 9903.
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.