Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Komani-Karoo
Wind, reën beskadig eeu-oue bome

ONGURE weersomstandighede die afgelope paar dae het derdui-sende rande se skade aan CCTV-kameras op Grootfontein Landboukollege buite Middelburg veroorsaak.

Erge wind en reën het Sondag-aand, 10 Februarie die PTZ-kamer op die koppie aan die westekant van Grootfontein se ingang, uitmekaar geruk. Die sekuriteitspersoneel was in staat om al die dele te herwin, maar die kamera is erg beskadig.

Maandag, 11 Februarie omstreeks 15:30 het ’n donker wolk oor Grootfontein en Middelburg gehang waarna ’n skielike rukwind en ’n reuse donderstorm oor die dorp en Grootfontein uitgesak het.

Sterk wind wat saam met die reën gepaard gegaan het, het bome langs die teerpad op Grootfontein uit die grond geruk en aan flarde gewaai. Verskeie bome is ontwortel en het die pad vir motoriste versper. Nóg ’n sekuriteitskamera is tydens hierdie storm uitmekaar gewaai en beskadig.

Die bloekombome wat die pad versper het, is reeds meer as 100 jaar oud en is tussen 1903 en 1910 deur die militêre troepe wat op Grootfontein – wat toe ’n Britse vredesmagkamp was – geplant. Die laning bloekombome is slegs in 1954 getop om te keer dat hulle te swaar raak bo, maar verder is hulle nie weer teruggesnoei nie.

Volgens Elana Kitching, kurator van die museum en nasionale ge-denkwaardighede op Grootfontein, mag hierdie bome volgens die Erfenishulpbronwet 35 van 1999, nie afgekap word nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Komani-Karoo Kontak ons
Stemme

Hallo, jy moet ingeteken wees of registreer om artikels te lees.