Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Kouga-Express
Kouga kry nóg windplase

NÓG drie windplase word vir die Kouga-omgewing beplan as deel van die Impofu-projek, wat windkragenergie van 400 MW sal kan opwek.

Red Cap Energy, wat kantore in Kaapstad en Port Elizabeth het en ten volle deur Suid-Afrikaners besit word, is besig met die ontwikkeling en ontwerp van die projek.

Lance Blaine, Red Cap se besturende direkteur, sê hulle het weer die Kouga-gebied gekies omdat dit van die geskikste plekke is om windkragenergie op te wek vanweë die skoon lug wat van die see af inkom, die goeie gemiddelde windspoed en die omgewing.

Die maatskappy het ook die bestaande Kouga-windplaas (80 MW) en Gibsonbaai-windplaas (111 MW) ontwikkel.

Die Impofu-projek gaan die laaste geskikte grond vir windplase opneem.

Lance het aan Sake gesê die projek sal die beplande drie windplase koppel met die bestaande Kouga-windplaas by Thyspunt en die Gibsonbaai-windplaas. Hy verwag dat 120 windturbines, 40 per windplaas, opgerig sal word.

Die projek is nog in die ontwikkelingsfase en nog baie water moet in die see loop voordat die beplande bouwerk teen 2020 sal begin. As alles volgens plan verloop, kan die windplase teen 2022 krag opwek.

“Ons verwag dat 400 MW se energie opgewek sal word, maar dit sal afhang van die tegnologie wat beskikbaar sal wees teen die tyd wat die turbines opgerig word.”

Lance sê dit kos ongeveer R2 miljard om net een windplaas op te rig en sowat R30 miljoen vir elke turbine.

Die beplande windplase word in vennootskap met die Italiaanse groenkragmaatskappy Enel Green Power ontwikkel.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kouga Express Kontak ons
Stemme

Hallo, jy moet ingeteken wees of registreer om artikels te lees.