Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Kouga-Express
Mak dief eindig met niks
06 September 2018

’n Mak dief se plan om ’n vinnige geldjie te maak, is verlede Woensdag in die middedorp van Jeffreysbaai in die wiele gery toe hy met ’n waardelose hand vol geld weggekom het.

Pat Vosloo, sekretaresse van Astonbaai-Inwoners en Belastingbetalersvereniging, was ooggetuie toe die man in die parkeerarea skuins agter Standard Bank toegeslaan het. Sy vertel dat sy ongemaklik gevoel het toe sy voor First Choice wou parkeer en ’n verdagte man oor die parkeerruimte sien loop het. Hy het aanhoudend in haar rigting gekyk, maar toe sy in die motor bly sit, het hy op Ou Mutual-gebou se stoep gaan staan.

Toe hy by ’n winkel instap, het sy vinnig by die First Choice-kiosk ingeglip. Sy het vir die kassier gevra om saam met haar te stap, omdat sy onrustig gevoel het. Toe sy na haar motor terugkeer na nog ’n inkopie, merk sy dat die man steeds in die omtrek beweeg en elke klant dophou. Sy het kwalik haar motor bereik toe die grypdief toeslaan op ’n ouerige man wat by sy oop motordeur met geld in sy hand met ’n dame staan en gesels.

Toe Vosloo gil, het die karwag en die kassier die man agternagesit, maar hy het ’n mes uitgepluk, wat die karwag in die skermutseling uit sy hande gegryp het. Die dief was egter te vin-nig en het weggekom. Niemand is beseer nie, maar die skelm het eindelik niks van waarde oorgehou nie, want toe hy die geld gryp, het die ouer man dit so styf vasgehou, dat die note in twee geskeur het. Die misdadiger het toe met net die afgeskeurde helftes van die note gevlug.

’n Indiër-sakeman in dieselfde area sê hy herken die skelm se gesig en weet dat hy onlangs uit die tronk vrygelaat is.

Vosloo vra dat lede van die publiek te alle tye paraat en versigtig moet wees, omdat skurke oral op hulle kan toeslaan.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kouga Express Kontak ons
Stemme

Hallo, jy moet ingeteken wees of registreer om artikels te lees.