Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Kouga-Express
Nico Malan haal 95.8% slaagsyfer

VREUGDEVURE het hoog gebrand toe die eksamenuitslae van 2019 se matrieks by die Hoërskool Nico Malan in Humansdorp be-kendgemaak is.

Dié skool spog met ’n 95.8%-slaagsyfer.

Van die 143 graad 12-kandidate wat die eksamen afgelê het, het ses leerders A-ge-middeldes behaal. Hulle is Wilmien van Biljon (92.15%), Danielle Hamilton (85.72%), Christine Langenhoven (85.58%), Riana Goussard (82.58%), Renier Moolman (82.58%) en Zoë Steel (81.15%).

Top-matriekpresteerder en oud-hoofdogter, Wilmien van Biljon, is as die beste pre-sterende matrikulant in die Sarah Baartman-distrik aangewys, asook die derde beste matriekleerder in Kluster-B.

Sy spog met sewe onderskeidings: Afrikaans Huistaal (97%), Engels Eerste Addisionele Taal (96.6%), Wiskunde (80.7%), Lewensoriëntering (94.7%), Lewenswetenskappe (92.5%), Aardrykskunde (89.9%) en Fisiese Wetenskap (92.2%).

Volgens Van Biljon was dié eksamen baie minder senutergend as vorige eksamens: “Die eksamen was ’n samevatting van al die harde werk en voorbereiding wat ek oor die jare ingesit het.

“Hoewel die meeste vakke glad nie moei-lik was nie, het ek redelik met Wiskunde kleigetrap.”

Sy studeer vanjaar LLB aan die Universiteit van Stellenbosch.

Nico Malan het verder 22 leerders met B-gemiddeldes en 48 leerders met C-gemiddeldes.

’n Totaal van 101 leerders het vrystelling behaal om graadkursusse te doen, terwyl 36 leerders diplomakursusse (31) en sertifikaatkursusse (5) kan volg.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kouga Express Kontak ons
Stemme

Hallo, jy moet ingeteken wees of registreer om artikels te lees.