Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Kouga-Express
Nuwe hoof het passie vir skool

SY is lief vir kinders, passievol oor die onderwys en doelgerig in haar benadering.

Met dié eienskappe wil die nuwe skoolhoof van die JBay Academy Primêre Skool help om hulle volle vermoë te bereik.

Patricia Bekker (62) het op 1 Januarie vanjaar die leisels as skoolhoof by Renette Matthee, medestigter van die skool, oorgeneem.

Bekker se passie vir die onderwys lê diep in haar hart.

Toe sy vir die eerste keer voor haar eie klas staan, het sy geweet sy kon nie ’n beter beroep gekies het nie - dit is waar sy moet wees.

“Ek was nog jonk, maar ek het geweet daar is ’n groter doel vir my in die onderwys en dat dit my kans is om ’n verskil in kinders se lewens te maak,” sê sy.

Bekker het in 1979 haar eerste tree as onderwyser by die Hoërskool Douglas in die Noord-Kaap gegee, waarna sy vir twaalf jaar haar drie seuns grootgemaak het.

In 2016 sluit sy by die JBay Academy Hoërskool aan.

“Dit voel asof alles wat ek die laaste vier dekades gedoen het, my voorberei het om vandag hier as skoolhoof te staan,” sê Bekker.

“Ek weet dit is nie ’n maklike taak nie, maar ek het die steun van wonderlike personeellede en staatmaker-ouers.”

Sy het ’n groot visie vir die skool. “Dit is my droom om die skool verder uit te bou en om die JBay Academy Primêre Skool die beste laerskool in Jeffreysbaai te maak – ’n skool waarop almal trots kan wees.”

Haar droom?

“Dat elke leerder sy volle potensiaal bereik,” sê sy.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kouga Express Kontak ons
Stemme

Hallo, jy moet ingeteken wees of registreer om artikels te lees.