Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Mooi gebaar sal glimlagte bring

Boris Armoed, Brentpark-inwoner, Kroonstad:

Ek wil graag die nuwe takbestuurder van Checkers in Kroonstad se lof besing. ’n Week of wat gelede het ek by die deli in Checkers gestaan om kos te koop. Terwyl ek wag, het die nuwe bestuurder met die vrou agter die toonbank begin praat oor wat hulle met die dag se oorskietkos gaan doen. Na wat ek kon aflei, was dit voorheen elke dag in bakke gegooi en aan varkboere gegee.

Die bestuurder het oor die saak nagedink en die vrou gevra om die kos eerder aan behoeftige gesinne en honger kinders in die gebied te skenk.

Mnr. P. Flick, baie dankie vir die mooi gebaar. Ek stem saam met u – daar is niks verkeerd met die oorskietkos nie. Ek en my gesin eet self weer daarvan die volgende dag. Ek glo as daar meer mense in bestuursposte is wat ook so redeneer, sal ons dorp, provinsie en land baie meer glimlagte op honger kinders se gesigte plaas.

Mag God u ryklik seën vir wat u gedoen het.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kroon Nuus Kontak ons
Stemme

Hallo, jy moet ingeteken wees of registreer om artikels te lees.