Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Toets nuus aan betroubare bron

Nadat die koronavirus verlede week tot wêreldwye noodtoestand verklaar is, is panieksaaiers weer baie bedrywig op die sosiale media.

Fopnuus, soos dat mense reeds in Suid-Afrika vir die virus behandeling ontvang, het soos ’n veldbrand op sosiale media-platforms versprei.

Elke Jan Rap en sy maat met ’n selfoon in die hand reken dat hulle ’n joernalis is. Só versprei ongegronde stories baie maklik op die sosiale media.

Mense manipuleer selfs ou nuus en foto’s om fopnuus te versprei.

Wees dus versigtig voordat jy nuus aanstuur en mense onnodig op hol jaag.

Wanneer jy oor enige nuus twyfel, toets dit eers aan ’n betroubare bron.

As geen geloofwaardige media-instansies daaroor berig nie, vind beriggewing deur nie, is dit waarskynlik fopnuus.

Fopnuus veroorsaak net chaos, veral as dit oor lewensgevaarlike situasies gaan.

Ja, die koronavirus is ’n lewensbedreigende virus. Dit is ook so dat die virus reeds lewens geëis het.

Volgens medici en kenners kan die virus egter met die regte mediese behandeling bekamp word.

Mense wat dus die virus opdoen en onmiddellik behandel word, kán gesond word.

Daarom moet mense feite bevestig voordat onnodige paniek op die sosiale media gesaai word.

Fopnuus is ’n fees vir die oningeligtes.

Wees ingelig voordat jy waag om ’n mening te lug.

Wees verantwoordelik sodat fopnuus die hok geslaan kan word.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kroon Nuus Kontak ons
Stemme

Hallo, jy moet ingeteken wees of registreer om artikels te lees.