Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Rolbalspelers wys hul slag
CP Mathewson is die manswenner in die Kimberley-subdistrik se enkelspelkompetisie. Van links is ET Mathewson (vierde), Justin Griffith (derde), CP (eerste) en Clint Kneen (tweede).foto’s: Verskaf
Annelie Mathewson (links) is die vrouewenner van die Kimberley-subdistrik se enkelspelkompetisie. By haar is Dafne Minopetros (tweede).
Nog plekwenners in die vroue-afdeling is Cherese van der Merwe (links, derde plek) en Michele van Zyl (vierde). Dit was Cherese se eerste wedstryd.

Rolbalbane was die afgelope twee naweke bedrywig met die mans- en vroue-enkelspelkompetisie van die Kimberley-subdistrik wat plaasgevind het.

Die mans het by die Beaconsfieldpark-rolbalklub deelgeneem, terwyl die vroue by die Kimberley-dorp-rolbalklub meegeding het.

Die komende naweek kom die 16 topmans- en vrouespelers van oor die hele Noord-Kaap heen in Kimberley byeen.

Die vrouekompetisie sal weer by die Kimberley-dorp-rolbalklub plaasvind, en die manskompetisie by die Beaconsfieldpark-klub.

Die Noord-Kaapse mans- en vrouekampioen word Sondag (24/01) aangewys.

Noord-Kaap-rolbal bestaan uit vier distrikte wat elkeen ten minste vier rolbalklubs per streek verteenwoordig.

Benewens die klubs in Kimberley het die Kalahari-distrik klubs in Upington, Prieska, Lime Acres en Kathu, terwyl die Conroy-distrik klubs in De Aar, Victoria-Wes, Vanderkloof en Britstown het. Die Intervaal-distrik het klubs in Schweizer-Reneke, Hartswater, Jan Kempdorp en Warrenton.

Met die Covid-19-pandemie in ag geneem, voldoen die klubs en die byeenkomste aan al die vereistes soos deur die regering en Rolbal Suid-Afrika voorgeskryf.

Enkel- en parespel mag plaasvind, met nie meer as 24 spelers per baan nie.

Sosiale afstand word gehandhaaf, maskers is verpligtend op die baan en geen toeskouers word toegelaat nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kontak ons
Stemme

Hallo, jy moet ingeteken wees of registreer om artikels te lees.