Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
TWYFELHOEKIE: Stories lê danksy bêregoed na aan hart

Soos wat ’n mens maar maak wanneer jy in Desember – wanneer alles ’n bietjie rustiger raak – opruim, uitsorteer en vir ander uitdeel, het ek en Kleinsus van haar oortollige speelgoed aangepak.

My verbasing was groot toe ek sien die hoop wat ons hou, bly groot, en die hoop wat sy uitdeel, bly klein.

Ons leef nie juis in ’n huis wat bang is om vir ander te gee nie, so ek vind dit toe verbasend dat sy so baie van wat oortollig is, wil hou en bêre.

Haar antwoord op my kommentaar hieroor troef my. ’n Mens moet kan erken as iemand jou klop.

Sy weet sy het nie al hierdie goed nodig nie en daar is maatjies wat meer daarmee kan doen as sy. Sy weet sy het soms twee van alles, maar ek moet onthou – en hierin lê haar troef-kaart – alles wat sy hou, vertel ’n storie.

Dan begin sy verduidelik van die teddie van ’n gemeente-tannie wat al oorlede is, ’n verjaardaggeskenk wat sy koester en ’n weggaan-geskenkie van sus wat Kaap toe gaan . . . en so hou sy aan.

Wanneer sy die sak uitpak, word haar bêregoed ’n onthou-album van haar kort lewetjie.

Alles vertel ’n storie. Ek sal haar later leer dat ons die stories veral in ons hart moet hou.

Vir nou is haar antwoord goed genoeg.

Ons moet ons stories koester en onthou.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kontak ons
Stemme

Hallo, jy moet ingeteken wees of registreer om artikels te lees.