Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Noordkaap
Hond opgehang, by kerk ingebreek
Die hond wat opgehang is.

Die polisie van Hartswater ondersoek saam met die Dierebeskermingsvereniging (DBV) blykbaar ’n voorval waartydens daar Maandagaand (08/07) glo by ’n kerk in Hartswater ingebreek is en ’n hond aan ’n boom in ’n nabygeleë veld opgehang is.

’n Tweede hond is ook dood by die gesteelde goedere in die veld aangetref in ’n wit sak.

Volgens Johan Stoltz, bevelvoerder van die Eenheid vir Gemeenskapsveiligheid (GVE) in Hartswater en omliggende gebiede, het die voorval vermoedelik Maandagaand (08/07) plaasgevind.

Dit het glo by die Volle Evangelie Kerk in Korhaansingel plaasgevind. 

“Ek verstaan hulle het ’n klankstelsel en ander goed by ’n kerk gesteel.

“Die inbrekers het egter nie ver gekom nie en die goed in ’n veldjie naby die kerk versteek.

“Een hond is aan ’n boom opgehang naby die gesteelde goedere wat daar gelos is voordat die verdagtes vermoedelik op die vlug geslaan het en ’n ander hond is in ’n sak op die toneel aangetref.Volgens Stoltz word daar vermoed dat die honde die inbrekers gepla het.

“Daar is gedurig ouens wat rondbeweeg in die nag.

“Somtyds voel hulle bedreig en los die gesteelde goed iewers en maak hulle self uit die voete.

“Die honde moes hulle seker gepla het en toe het hulle die honde vermoedelik van kant gemaak,” sê hy.

Dit is onbekend aan wie die honde behoort.

Mario van der Westhuizen, ’n inspekteur van die DBV in Kimberley, sal môre na  Hartswater reis om ondersoek in te stel.

Navrae is aan kapt. Olebogeng Tawana, ’n polisiewoordvoerder, gestuur.

Die polisie het nog nie op navrae regeer nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Noordkaap Kontak ons
Stemme

Hallo, jy moet ingeteken wees of registreer om artikels te lees.