Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
‘Gaan wersveld,’ maar los my ‘plathand’

Twee broers van die Primêre Seunskool Paarl, Felix (12) en Otto (7) Beukes, het onlangs aan die Woordeboek van die Afrikaanse Taal se Borg ’n Woord-projek deelgeneem. Wat hul deelname besonders maak, is dat hulle woorde geborg het wat hulle self geskep het.

Die doel met Borg ’n Woord is om Afrikaanssprekendes opnuut bewus te maak van die waarde van woorde.

Woorde wat van besondere betekenis is, bestaan in elkeen se lewe.

Felix, wat in Graad 7 is, en Otto, wat in Graad 2 is, ontvang onderrig in Engels, maar vind gewis aanklank by Afrikaans as taal. Al twee broers het ’n sertifikaat van die redaksie van die Woordeboek van die Afrikaanse Taal (WAT) ontvang as bewys dat hulle hul eie woorde geborg het.

Ouboet Felix vertel sy woord is “plathand” en dit is ’n Afrikaanse woord vir ’n geroosterde toebroodjie of ’n toasted sandwich in Engels. “Dit is eintlik ’n ronde hamburger-broodjie wat ek soms maak met kaas op wat ek dan rooster,” het hy vertel. Hy sê dit lyk toe vir hom soos ’n handpalm, vandaar die naam “plathand”.

Otto sê sy woord is “wersveld”, maar hy verduidelik dit gaan gepaard met die woord “gaan”. ’n Mens sal dus sê “gaan wersveld”, wat beteken iemand moet hulle by hul eie sake bepaal (mind your own business in Engels). Hul ma, Mari, sê Otto gebruik dit in die algemeen as hy voel iemand betree sy persoonlike ruimte.

Die seuns se ouma, Milda Stanton, het haar kleinseuns se inskrywings hanteer en het self ’n doktorsgraad in antieke tale by die Universiteit van Pretoria verwerf.

“Dit is ’n bevel om ‘ver’ te gaan en êrens in die ‘veld’ met jou eie sake te gaan ‘werskaf’. Die woord herinner ook aan die naam van die sportstadion Loftus Versfeld waarheen ’n mens gaan om weg te kom van jou werk en bekommernisse deur te gaan sport kyk, [of] iets te doen wat aan jou afleiding bied,” sê Otto se ouma.

Felix sê sy gunstelingvakke is wiskunde en natuurwetenskappe, “maar ek wil graag Spaans en Frans ook leer”.

Otto se gunstelingvak is geskiedenis, “maar ek wil graag Duits leer”.

Die seuns is sokkeraanhangers; Felix wil voorlopig ’n sokkerklub besit en bestuur wanneer hy groot is en Otto sê hy moet nog kies of hy ’n professionele sokkerspeler of ’n elektriese ingenieur wil word.• Two bright young brothers, who receive education in English, both contributed to the Afrikaans language. Felix (12) and Otto (7) Beukes received their certificates from the editorial team of the Woordeboek van die Afrikaanse Taal (WAT) to prove they invented their own Afrikaans words.

Felix’s word is “plathand” (for a toasted sandwich) and Otto’s is “wersveld”, used as “gaan wersveld”, meaning “mind your own business”.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Paarl Post Kontak ons
Stemme

Hallo, jy moet ingeteken wees of registreer om artikels te lees.