Sektorbestuurders is die hartklop van ’n gemeenskap, en inwoners van Paarl-Oos word genooi om Februarie se openbare sektorvergaderings by te woon.. Die inwoners van Sektor 3, wat bestaan uit Klein Nederburg, Lantana en New York, vergader Dinsdag 12 Februarie 19:00 by Paulus Joubert Sekondêr se skoolsaal. Bel AO Gerhard Sampson by 079 894 1412 vir inligting.. Sektor 4 bestaande uit Amstelhof, Langvlei en Bloomsbury, vergader Dinsdag 19 Februarie 19:00 by Amstelhof Primêr se skoolsaal. Bel AO Wilfred Thomas by 082 522 2065 vir nog inligting.. Inwoners van Sektor 2 (Chicago, New Orleans, Sonstraal, Hugenote en Klippiesdal) vergader Woensdag 20 Februarie 19:00 by die Paarl-Oos-polisiekantoor se konferensiesaal. Belangstellendes kan AO Akram Hammers by 079 894 1412 bel.
