Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Sy word onthou vir haar liefde vir antieke items

Die bekende Welling­tonner Lynn Arendse, meer bekend as Linnie van die Wellington Antique-winkel, is verlede week oorlede.

Lynn, wat die Wellington Antique-winkel vir sowat 40 jaar bestuur het, het diep spore in menige inwoner se hart gelaat.

“Sy het ’n groot liefde vir die winkel en vir alles wat antiek is, gehad. Mense het haar gereeld genader om hul antieke-items te waardeer en sy het nooit gehuiwer om dit te doen nie,” vertel Iris Jooste, ’n familielid.

“Sy was ’n baie lieflike en behulpsame mens en sy het altyd raad vir alles gehad.”

Volgens Iris was Lynn by die huis nadat die winkel ’n paar jaar gelede gesluit het en het sy haar met naaldwerk besig gehou.

Sy vertel dat Lynn Dinsdag 23 Oktober in die ouderdom van 64 oorlede is.

“Ons sal haar onthou as iemand wat nooit nors was nie, maar altyd vriendelik en probeer het om almal te help en op te beur.”

Lynn laat haar broer, suster en ander familielede agter.

Die roudiens is vanaand (1 November) om 19:30 in die Breedt-saal in Wellington. Die begrafnis vind Saterdag 3 November om 09:00 by die huis in Hoogstraat 3, Wellington plaas en 10:00 in die VGK Wellington, Mellingstraat.

Vir enige navrae, bel Iris by 082 461 7210.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Paarl Post Kontak ons
Stemme

Hallo, jy moet ingeteken wees of registreer om artikels te lees.