Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sake
Dít is Naspers se volgende skuif

Ná die onlangse ontbondeling van Multichoice uit Naspers, het dit duidelik geword dat Naspers ernstiger daaroor is om waarde vir sy aandeelhouers te ontsluit.

Die probleem waarmee Naspers al vir ’n hele paar jaar sit, is dat die maatskappy se onderliggende bates op ’n som-van-die-dele-basis meer is as wat in die Naspers-aandeelprys weerspieël word.

Die onlangse Multichoice-ontbondeling was reeds ’n eerste stap om hierdie waarde te ontsluit, maar die vraag op almal se lippe was hoe die ander internasionale bates hanteer sou word aangesien dit verreweg die grootste deel van Naspers se bates uitmaak.

Naspers het vroeër vanjaar aangekondig dat hy ’n oplossing hiervoor gevind het.

Die maatskappy gaan al sy internasionale internetbates in ’n nuwe maatskappy, Prosus (in Latyns beteken dit voorwaarts) plaas, wat dan ’n primêre notering in Amsterdam sal hê en ’n sekondêre notering in Suid-Afrika.

Naspers sal steeds 75% van hierdie maatskappy tesame met al sy plaaslike mediabates besit. Hierdie transaksie gaan nou in September gefinaliseer word.

Aandeelhouers moet nou ’n keuse uitoefen rakende hoe hulle wil hê die transaksie op hul portefeuljes uitgevoer moet word.

Opsie 1:

Behou die huidige Naspers N-aandele en ontvang nuwe Naspers M-aandele.

Jy sal een Naspers M-aandeel vir elke Naspers N-aandeel ontvang. Die nuwe Naspers M-aandele sal dan omgeskakel word na Prosus-aandele wat ’n sekondêre notering op die JSE sal ontvang. ’n Deel van jou huidige aandeelhouding word dus verkoop en Prosus word aangekoop. Deur hierdie opsie dus uit te oefen sal daar ’n onmiddellike kapitaalwinsbelastingaanspreeklikheid geskep word op die dag wanneer Prosus-aandele bekom word, waarvan aandeelhouers bewus moet wees.

Opsie 2:

Behou die huidige Naspers N-aandele en ontvang addisionele Naspers N-aandele teen ’n verhouding van 36,986 nuwe aandele vir elke 100 aandele reeds in besit. Hier sal die belang in NewCo dus indirek bekom word deur bloot Naspers te besit. Hier sal geen onmiddellike kapitaalwinsbelastingaanspreeklikheid geskep word nie.

Die kapitalisasie-aandele word op ’n belasting-neutrale grondslag en teen ’n zero-koste-basis verkoop.

Kapitaalwinsbelastingaanspreekliheid is van toepassing wanneer die aandele in die toekoms verhandel word. Die invloed van die nuwe aandele is om die geweegde gemiddelde basiskoste van al die aandele te verlaag.

Indien u onseker is oor presies wat om te doen of hoe om die situasie te benader, stel ons voor dat u met ’n finansiële adviseur of belastingkundige in verbinding tree. U is ook meer as welkom om ons te kontak indien u enige verdere vrae het of raad vereis.• Die inligting in hierdie dokument is algemene inligting. Dit is nie finansiële, belasting-, regs- of beleggingsadvies nie en die maatskappye in die PSG Konsult Groep waarborg nie die geskiktheid of potensiële waarde daarvan nie. Aangesien individuele behoeftes en risikoprofiele verskil, stel ons voor dat jy jou gekwalifiseerde finansiële adviseur raadpleeg indien nodig. PSG Wealth Financial Planning (Pty) LTD is gemagtigde finansiële diensverskaffers.

H.W. de Jager is ’n finansiële adviseur vir PSG Wealth Paarl.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Paarl Post Kontak ons
Stemme

Hallo, jy moet ingeteken wees of registreer om artikels te lees.