Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Skole
Skoolgroep tree in Artscape op

Die leuse van Klein Nederburg Sekondêr se dramagroep is “Create, Reach and Achieve the Arts” en dis presies wat hy die afgelope paar jaar doen.

Die skool presteer nie slegs op akademiese en sportgebied nie, maar blink ook uit op kultuurvlak, veral op die verhoog.

Hoewel drama as buitemuurse aktiwiteit aangebied word, het die skool al verskeie produksies op die planke gebring, onder meer Eendag is daar, ’n sprokie vir grootmense geskryf en geregisseer deur Ernest Loth.

Die skool het ook presteer met Pad na vergifnis, gegrond op Melvin Whitebooi se kortverhaal, Op soek na Johnnie September. Dis verwerk en onder spelleiding van Ernest Loth.

Verlede jaar het die skool se dramagroep hulde gebring aan een van ons ikoonskrywers, Adam Small, met die produksie Adam Small die revue wat ook in die Artscape se Arena opgevoer en staande toegejuig is.

Die choreografie van die danstonele in die revue is behartig deur Vershwille Seconds en die regie is behartig deur Loth en Caureen Small.

Tans doen die groep sy finale afronding aan sy splinternuwe produksie, Simunye, we are one ons is een, ’n viering van ons diversiteit.

Die samestelling van die produksie word weereens behartig deur Ernest Loth en hy word bygestaan deur die choreograwe Bernelee Fortuin en Vershwille Seconds.

Volgens Loth bied die energieke musiek-, dans- en sangproduksie ’n uur van vermaak uit die boonste rakke wat die gehoor op ’n reis gaan neem deur ons land se onderskeie kulture.

“Ek hoop dit sal gehore ’n kopskuif laat maak en laat besef ons moet ophou om van ’n afstand af mekaar waar te neem en afbrekende kritiek te lewer. Ons moet besef ons eenheid lê in ons andersheid opgesluit.

“Al verstaan ons soms nie mekaar se gelowe en kulture nie, moet ons dit ten minste respekteer as ons Suid-Afrikaanse kultuur.

“Van die ossewa tot die skild-en-spies tot die riel en samoosas tot Simunye kan vergelyk word met ’n pot kos waarvan elke gehoorlid ’n skeppie op die bord gaan kry om met die oë, ore en hart te proe.”

Die produksie word geborg deur die Suidoosterfees en die National Theatre Initiative. Die vertonings is 28 en 30 April in die Artscape. Kaartjies is by Computicket verkrygbaar.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Paarl Post Kontak ons
Stemme

Hallo, jy moet ingeteken wees of registreer om artikels te lees.