Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wellington
Hou só jou huis veilig, waarsku SAPD

Die Wellington-polisiekantoor het ’n toename in huisbraak en diefstal in Wellington-Oos bespeur.

Die woordvoerder, kapt. Basil Seekoei, het gemeenskapslede gemaan om die polisie te help om hul eiendom te beskerm. Seekoei sê veiligheidsligte buite ’n huis, erf of plaas kan die huis fisiek merkwaardig beskerm.

“Die ligte moet weg van die huis gerig word. Dit moet inwoners toelaat om deur die vensters na buite te kyk sonder om deur mense van buite af gesien te word,” het Seekoei gesê.

Hy sê ook mense moet onophoudelik bewus wees van blindekolle en skaduwees waar indringers moontlik kan wegkruip. “Wanneer jy jou eiendom verlaat, maak seker alle vensters in deure is behoorlik gesluit,” het hy aanbeveel.

“Skep ook die indruk dat daar steeds iemand is wanneer jy nie daar is nie, en as jy alleen by jou huis is, hou steeds alle deure gesluit,” sê Seekoei. Hy sê ook groot honde kan die huis veiliger maak. “Minstens een groot hond moet opgelei wees om in die huis te slaap,” sê hy.

Seekoei sê selfs al verlaat iemand hul huis, moet hul bure en familie bewus wees waarheen hulle gaan, hul gekose roete en wanneer hulle terug gaan wees.

“Veral as jy in ’n landelike gebied woon, maak seker alle toerusting soos byle en grawe wat in ’n aanval gebruik kan word, word weggepak,” het hy gewaarsku.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Paarl Post Kontak ons
Stemme

Hallo, jy moet ingeteken wees of registreer om artikels te lees.