Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Wellington
Sunfield-inwoners gepamperlang

Die afgelope naweek was ’n besige tydjie vir Sunfield Home Wellington, ’n residensiële fasiliteit vir volwassenes met intellektuele gestremdheid.

Nie net was die inwoners aan die ontvangkant van ’n bederfsessie deur Projek Bietjie Liefde nie, maar het hulle ook deelgeneem aan die 27 For Freedom-wedloop ter herdenking aan oudpresident Nelson Mandela se historiese vrylating 30 jaar gelede uit die destydse Victor Verster-gevangenis ná 27 jaar in aanhouding.

Projek Bietjie Liefde, ’n inisiatief deur Micia Smit, Mej. Jr. Tiener Suid-Afrika 2019, het die inwoners Saterdag (8 Februarie) met pamperlangsessies bederf.

PBL-vrywilligers het wors gebraai en inwoners het aan heerlike kolwyntjies gesmul.

Sunfield Home Wellington is Vrydag 7 Februarie by die Loslitdag-prysuitdeling vereer as een van die top-tien-organisasies wat die meeste geld vir mense met gestremdhede ingesamel het. Hulle is ook as nommer een in die Wes-Kaap – uit 500 organisasies – aangewys.

Volgens Garine de Wet, Sunfield se bemarkingshoof, het hulle in 2019 sowat 12 000 Loslitdag-kaartjies verkoop. Die kaartjies kos R10 en R4 daarvan word aan Sunfield Home geskenk om vir die behoeftes van hul inwoners aan te wend.

Sakeondernemings en skole wat by die Loslitdagprojek wil inskakel, kan Garine de Wet per e-pos kontak by garine@sunfieldhome.co.za.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Paarl Post Kontak ons
Stemme

Hallo, jy moet ingeteken wees of registreer om artikels te lees.