Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Stronk
Sonder die mooi van musiek is ons net mooi niks nie

Hier in die hartjie van die Vrystaat is die winterlug kóúd, maar die kunste laat die hart wárm klop. Die kunste én ’n lekker warm pannekoek en koppie boeretroos met musiek in die agtergrond. Of dit nou klinkende simbale is of die blye galme van stemme en klawers. Sonder musiek is ons niks nie . . .

Die oeroue kuns van musiek is vir baie musikante meer as net ’n beroep. Dis ’n leefstyl. Dis ’n integrale deel van hul lewe. Die bloed wat deur die are vloei en die asem wat lewe gee.

Musiek het hom gekies en nié andersom nie, het die pianis Charl du Plessis eenkeer gesê.

Die musiekuitvoering is ’n magiese voorstelling van die musiekmaker se werklikheid. Van sy of haar pyn, haat, liefde of geluk.

Dit neem jou as anonieme mens in die gehoor op ’n reis waarop jy jou oë kan toemaak en jouself kan oorgee aan die swaartekrag.
Dit is note en lirieke en woordkuns.

Jaarliks bring die woordtowenaars van musiek (of woordenaars, as jy wil) hul kuns na ons op die Vrystaat Kunstefees.

Legendes soos die Liedjieboer, Anton Goosen, Mystic Boer, Valiant Swart, en Koos Kombuis het diep spore hier getrap. En jonger generasies geïnspireer, soos die jong Danie du Toit van Spoegwolf.

Die generasies kunstenaars wat al op hierdie feesterrein gestap en hul passie op die verhoog uitgeleef het, maak die fees ekstra spesiaal. Talent kom. Talent gaan. Die kunste bly.

Maar ons het nog ’n rukkie tyd om saam te vier op vanjaar se fees!

Meer oor:  Stronk  |  Vrystaat Kunstefees  |  Vermaak  |  Feeste  |  Musiek
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Stronk Kontak ons
Stemme

Hallo, jy moet ingeteken wees of registreer om artikels te lees.