Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Misdadigers getakel

’n Operasie teen geweld en misdaad is die afgelope naweek deur verskeie rolspelers in die Bothasig- en omliggende gebiede uitgevoer.

Die gesamentlike operasie, onder leiding van die Bothasig-polisie, is ondersteun deur verskeie private sekerheidsmaatskappye, die Stad Kaapstad se wetstoepassingseenheid, buurtwagte sowel as die gemeenskapspolisiëringsforum.

Die operasie is Vrydag 26 Februarie onder meer in Bothasig, Edgemead, Richwood en Burgundy Estate uitgevoer.

Lt.kol. Patrick Jacobs, stasiebevelvoerder, het omstreeks 21:00 voor die aand se verrigtinge almal by die polisiekantoor verwelkom en die plan van aksie uiteengesit. Hy het uitgewys dat dit die eerste keer in ’n lang tyd is dat so ’n groot aantal rolspelers – sowat 125 – aan ’n operasie deelneem.

“Dit is ’n groot gebied wat ons gaan dek. Ons missie is om misdaad soos rowe, huisbrake en diefstal in die gebied te stabiliseer,” het hy kort voor die vertrek met almal gedeel.

Jacobs het ook aangedui dat hy later die aand na 35 Eskader (Ysterplaat-lugmagbasis) sou vertrek waar hy aan boord van ’n helikopter sou gaan waarmee hulle later die aand die N7-snelweg sou patrolleer.

“Onthou, jul eie veiligheid is prioriteit. Indien julle verdagtes in hegtenis neem, moenie die mense aanrand nie,” was van Jacobs se laaste instruksies.

Ná afloop daarvan en nadat ’n gebed opgesê is, het die rolspelers na hul onderskeie punte vertrek.

Later die aand is onder meer ’n reeks verdagte voertuie van die pad getrek en ondersoek, en daar is ook besoek afgelê by kroeë om seker te maak inperkings-regulasies word toegepas.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak TygerBurger Kontak ons
Stemme

Hallo, jy moet ingeteken wees of registreer om artikels te lees.