Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Stemme
Ware staatmakers in uur van nood

Op Dinsdag 20 Julie het my linkerhand in ’n fratsongeluk in die lem van ’n elektriese saag beland. Ek het met die bebloede hand voetgeslaan na die spreekkamer van dr. Camilla Moolman, waar ek sonder ’n afspraak opgedaag het. My opregte dank en waardering aan haar en haar ganse personeel vir die bystand en hulp wat hulle aan my tydens hierdie krisis verleen het. My wonde is skoongemaak, bloeding gekeer, verbind, medikasie is teen pyn verskaf en baie moeite is gedoen om my gemaklik te hou totdat die ambulans (wat hulle gereël het) my by die spreekkamer kom oplaai het en hospitaal toe geneem het.

Ook my opregte dank aan drs. Brits, Kuhn en ander, sowel as hul personeel by Tygerberg-hospitaal, wat te midde van ander krisisse, ’n koelkopbenadering gehandhaaf het en ’n professionele diens en kalmte geopenbaar het.

Ook my opregte dank aan dr. Africa wat die volgende oggend tydens ’n operasie van bykans twee uur lank my hand weer letterlik “aanmekaargewerk” het. My hand het behoue gebly nadat daar aanvanklik sprake was dat gedeeltes van ’n vinger geamputeer sou moes word.

Ek begryp dat die woord “dankie” hol en leeg mag klink, maar ek wil u verseker van my opregte dankbaarheid en waardering. Dit kom diep uit die hart. U is inderdaad almal ware staatmakers in die uur van nood.

Dries de Kock Bothasig
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak TygerBurger Kontak ons
Stemme

Hallo, jy moet ingeteken wees of registreer om artikels te lees.