Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
UD-Express
Innes groet geliefde skoolhoof én juffrou

WANNEER skoolhoof Leslie Stander en sy onderwyservrou, Elsabé, môre vir die laaste keer by die skoolhek uitstap vat hulle die pad in hul kampeerwa na Stormsrivier.

Die egpaar tree beide die einde van Augustus af en dan word hulle tweede liefde, reis, hul eerste liefde. Tot en met dan was onderwys die Standers se groot liefde.

Leslie Stander was vir 41 jaar in die onderwys, waarvan die laaste 25 jaar by Laerskool Innes en hier was hy vir 20 jaar skoolhoof. Voor dit was hy by onder andere Laerskool Tjaart van der Walt en Ankervas.

“Vir seker gaan ek die skoolkinders mis. Ook die organisasie van dinge, as mense so mal raak dan floreer ek. Uitdagings is vir my lekker,” sê Leslie.

“In my tyd in die onderwys het ek ’n siklus sien voltooi. Van waar ons begin het, deur veranderende sisteme soos uitkomsgebaseerde onderwys, tot nou waar dit terug neig na die oorspronklike sisteem wat goed gewerk het.”

Vir Leslie is die plaas- en natuurlewe op hulle kleinhoewe langs die Swartkopsrivier sy lewe. “Ek speel nie gholf nie en lieg nie te veel nie, so boer is wat ek nou gaan doen.”

Elsabé sê die opregtheid van Innes se ouers is iets wat hulle baie na aan die hart gelê het.

“Hierdie ouers se kinders is hulle alles! Hulle is eenvoudig eerlik en toegewyd in hulle ondersteuning vir die skool,” sê Elsabé.

JJ Britz, wat na Stander se aftrede die waarnemende skoolhoof gaan wees sê, “Leslie was ’n onderwyser deur-en-deur en wou altyd ’n verskil in kinders se lewens maak.”

Stander het ’n groot rol vervul in die vakke Afrikaans (lees) en wiskunde en in buite-muurs was sy voorliefde atletiek en rugby waar hy op verskeie komitees gedien het. Vir ’n hele paar jaar was hy die voorsitter van die OP laerskole rugby-unie.

“Innes sê vir die Standers baie dankie en wens hulle sterkte toe vir die aftreejare,” sê Britz.

Leslie het sy aftrede tot op die laaste uitge-rek want hy het Maandag, 27 Augustus, vier dae voor dié groot dag, sy 65ste verjaardag gevier. Die egpaar gaan in September hul eerste toer as afgetredes aanpak en blomme kyk in Namakwaland!

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak UD Express Kontak ons
Stemme

Hallo, jy moet ingeteken wees of registreer om artikels te lees.