Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
UD-Express
Tiere was toe pure perd!
Jokkies Wernich van Rensburg met sy swemnoedel-perd Silver Banjo is voor met Qhama Blouw en sy perd Driving McGee kort op sy hakke. Foto:VERSKAF

TE midde van 2020 se koue COVID-19 winter, het HTS Daniel Pienaar met ’n prettige plan vorendag gekom om almal se gemoedere te help lig.

Die plan?

’n Durban July-perdewedren sónder perde. Tog was die deelnemende leerlinge wel jokkies en het omtrent spoed laat praat toe hulle straf teen mekaar meege-ding het.

Die perde?

’n Swemnoedel!

Só ’n sonderlinge gebeurtenis moet in ware Durban July-styl gevier word, het die onderwysers besluit en hulle as toeskouers behoorlik opgetof vir dié Tiere-July.

Al dié aksie het verlede week op die skool se nuutomheinde A-sportveld plaasgevind.

Heel gepas het die Suid-Afrikaanse Polisie se berede-eenheid opgedaag om ekstra luister aan die pretge-leentheid te gee.

Om die jokkies (ses van DP se vinnigste jongmanne) op hul versierde swemnoedel-perde uit hul wegspringhokke te kry, het adjunkhoof Koenie Strumpher, die skool se ou koper-skoolklok gelui.

Seremoniemeester Arno Els het die “perde” en “jokkies” se vordering op ’n professionele wyse uitgesaai, terwyl die res van die leerlinge hul “jokkie-maats” aangemoedig het.

Dit het plaasgevind onder toesig van onderwysers en daar is streng by die COVID-19 veiligheidsmaatreëls gehou.

“Baie geluk aan Wernich van Rensburg, ons 2020 Tiere-July wenner op sy perd Silver Banjo,” sê skoolhoof Kola du Toit, wat na afloop van die “perdewedren” ’n goue trofee aan hom oorhandig het.

Die vyf ander jokkies was Darrion Edwards (op sy Little Snowflake swembadnoedel-perd), Sheldon Venter (Dynamic Boogie), Qhama Blouw (Driving McGee), Luyolo Dambuza (Moonlight Thunder) en Marzanno Seekoei (Adorable Mashed Potatoes).

Die polisie se berede-eenheid het van die geleentheid gebruik gemaak om die Tiere in te lig oor die werksaamhede van die eenheid en die prosesse om te volg om vir die eenheid gekeur te word.

Du Toit sê die Tiere-July is ’n nuwe instelling by die skool, “maar een wat ons hoop sal bly. Volgende jaar wil ons ’n paar buurskole oornooi. Ook sommer ’n Mnr. en Mej. Tiere-July kies en die kinders spoggerig te laat aantrek.”


MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak UD Express Kontak ons
Stemme

Hallo, jy moet ingeteken wees of registreer om artikels te lees.