Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
UD-Express
Toilet kry status in Bergsig-produksie

BERGSIG Skool se 60ste bestaansjaar word vanjaar gevier en in die gees van dié mylpaal word die Bergsig Sterre 60 vermaaklikheidskonsert volgende week by die skool aangebied.

Die 120 “sterre” wat gaan deelneem is almal leerders van die skool en hulle is sedert Februarie besig met voorbereiding om hulle kaleidoskoop van dans-, drama- en sangtalente op die verhoog te wys.

Die leerders word afgerig deur Kareen Breytenbach (dans), Luana Bester (drama) met Jonel Knickelbein en Erna Cloete (sang).

In die verhoogstuk word daar tong-in-die-kies gespot met die belangrikheid van ’n toilet en hoe-kom dit die “wonderlikste uitvindsel” is wat mense se lewens verander.

Daar word ook verwys hoe die toilet selfs in politieke kringe ingespan word om guns te wen.

“Oral in die drama is die toilet ’n prominente onderwerp. Toe dit by dekorontwerp kom was dit onvermydelik, daar moet ’n toilet op die verhoog kom,” sê Luana Bester, ’n adjunk-hoof by Bergsig Skool en skrywer van die verhoogstuk.

“Kyk, jy moet nie vir hierdie Bergsig-manne sê hulle moet iets bou nie, dan bou hulle ’n properse ding. Nou staan daar ’n toilet soos die ware Jakob op die verhoog.”

Wat die produksie uitsonderlik maak is die gepaste gerekenariseerde agtergrondtonele wat vir die verskillende items op die verhoog geprojekteer word.

Dave Ackerman van Line Out help Bergsig met dié projeksies terwyl Ettienne Brown van ET Disco se klanktoerusting gebruik word. Dié professionele hulp dra by dat dié Bergsig-produksie van uitstaande gehalte is.

“Dit is ’n geleentheid om te spog met ons leerders. Hulle het so hard gewerk en oefen sedert Februarie om volgende week op te tree,” sê Bester.

Die publiek word uitgenooi om Bergsig Sterre 60 by te woon. Die produksie duur 150 minute en beloof om propvol vermaak te wees.

Daar is drie vertonings in die Bergsig-skoolsaal. Die eerste aanbieding is op 4 September en konsertgangers sit by bespreekte plekke by tafels.

Kaartjies is R100 en sluit ’n ligte ete in. Op Donderdag, 6 September word ’n oggendvertoning vir skole aangebied en die aand kan die publiek kom kyk en kaartjies is R40 elk.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak UD Express Kontak ons
Stemme

Hallo, jy moet ingeteken wees of registreer om artikels te lees.