Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
UD-Express
Voormalige Mej. Wêreld by Hoërskool Despatch se tee

DIE kroon op die Hoërskool Despatch se 70ste bestaansjaar-vieringe was ’n damestee met voormalige Mej. Wêreld, Rolene Strauss, as die gasspreker.

“Ons wou die skool se boeiende reis die afgelope 70 jaar met mening vier. Glansryk en stylvol. Daarom het ons gaste koninklik onthaal en die beste van die bestes gekry om met haar teen- woordigheid die kroon te span oor hierdie damestee,” sê Benita Grobler, oudskolier en hooforganiseerder van die damestee.

Rolene Strauss is in 2014 gekroon as Mej. Suid-Afrika sowel as Mej. Wêreld. Dié ma, wat die besigheidswêreld bo dié van geneesheer gekies het nadat sy gegradueer het in mediese studies, het haar lewensreis met die gaste gedeel.

Haar boodskap was dat “ware skoonheid ont-hul word deur die lig wat in jou skyn.”

Volgens Benita het die nuus oor die geliefde persoonlikheid se bywoning van die damestee soos ’n veldbrand versprei en het die kaartjies vir die 500 gaste soos soetkoek verkoop.

“Elke gas het ’n spieëltjie as geskenk van die skool ontvang. Die boodskap hieraan verbonde, is dat elke vrou wat in dié spieëltjie kyk, die mooi in haarself moet raaksien en weet dat sy goed genoeg is,” sê Benita.

Klinicare-apteekgroep was die hoofborg van die damestee. Benita het ook die ander borge en rolspelers bedank vir hulle ondersteuning.

– HEILIE COMBRINCK

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak UD Express Kontak ons
Stemme

Hallo, jy moet ingeteken wees of registreer om artikels te lees.