Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
UD-Express
Waterlekke borrel voort in sloerstaking

DIENSLEWERING om waterlekke te herstel te midde van ’n dreigende waterramp in Nelson Mandelabaai-metropool, is oënskynlik nie ’n prioriteit vir sommige munisipale werkers nie.

Vir die afgelope drie maande lek ’n munisipale stopkraan by dié eiendom in Lieschingstraat, Uitenhage.

“Sedert verlede Vrydag is munisipale werkers, wat van salarisskale graad 3 na graad 5 opgegradeer wil word, op ’n sloerstaking ” sê raadslid Pieter Terblanche van wyk 51.

“Dit is uiters frustrerend. Ons hande is afgekap. Die redes hoekom waterlekke die afgelope tyd nie herstel word nie, wissel van ‘te min arbeid’ tot ‘te min fondse’ en nou dié sloerstaking.”

’n Waterlek op die hoek van Graaff Reinetweg en Thornstraat by die verkeerslig loop al die afgelope ses weke. In Leischingstraat borrel water al ses maande lank uit ’n gebarste pyp, in Van Plettenbergstraat is dit al drie maande sedert ’n waterlek aangemeld is en in Kanon-straat is ’n waterlek wat weke gelede aangemeld is.

Langs die R75, waar die hoofwatertoevoerpyp na Uitenhage is, stroom water reeds ’n geruime tyd uit. Dít is maar enkele van die groot waterlekke op Uitenhage.

“Wat my bekommer, is dat die werksjaar uitloop. Dit is boonop nog maandeinde ook wat beteken produktiwiteit neem af.

“Kom 13 Desember maak die kontrakteurs toe en dit terwyl der duisende liters water daagliks uit gebarste pype borrel.”

Damvlakke daal daagliks skerp, die reën bly weg en die Nooitgedacht-waterskema wat water uit die Gariep aan Nelson Mandelabaai voor- sien, is na jare steeds nie ten volle in werking nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak UD Express Kontak ons
Stemme

Hallo, jy moet ingeteken wees of registreer om artikels te lees.