Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Dink voordat jy rande laat rol

Ondernemings is reeds in rep en roer om voor te berei vir vanjaar se Swart Vrydag-wins­kopies.

Vrydag (29/11) is die dag waarop winkels talle spesiale aanbiedinge op hul produkte het.

Die kombinasie van die woorde “korting” en “Swart Vrydag” kan baie mense laat kop verloor.

Die gebruik om op dié dag winskopies te bied het glo in Amerika ontstaan, waar die dag ná die Dankseggingsdag-fees­vieringe as die amptelike begin van die tyd vir Kers-aankope beskou word.

Die naam “Swart Vrydag” kom glo van die gedagte dat winkels wat “in die rooi” is, van hierdie dag af weer “in die swart” kan kom. Wanneer ondernemings “in die swart” is, maak hulle ’n wins.

SMS’e, pamflette en e-posse van winkels word versprei wat noem dat hulle hul ware teen ’n spesiale prys gaan verkoop.

Kenners maan dat skuld-oorlaaide verbruikers deeglik moet besin voordat hulle hulself op Swart Vrydag dieper in die verknorsing laat beland deur ’n klomp geld wat hulle nie het nie aan luukses te verkwis.

Verbruikers word ook gemaan om nie blindelings die winkels in te vaar en onnodige artikels te koop of roekeloos te bestee nie.

Indien dit jou hart vinniger laat klop om winskopies op te spoor is die winkels Vrydag die plek vir jou.

As jy dit nie geniet om ure lank in rye te staan nie en inkopies eerder as ontspanning ag, sal dit die beste wees om op dié dag met ’n koppie tee agteroor te sit.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kontak ons
Stemme

Hallo, jy moet ingeteken wees of registreer om artikels te lees.