Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Dorp raadop

Verskeie Oos-Vrystaatse dorpe ondervind ernstige waterprobleme.

Dit wil egter voorkom asof dit nie al probleem is wat inwoners van Paul Roux moet trotseer nie.

Met beurtkrag sit dié dorp se inwoners nie net kort-kort in donker gehul nie, die dorp se reservoir het ook heeltemal leeggeloop.

Paul Roux kry met ’n pyplyn water van Bethlehem, maar in tye van beurtkrag kan water egter nie in die reservoirs in Bethlehem gepomp word nie.

Die gevolg is dat die reservoir in Paul Roux een van die eerstes is om leeg te loop.

Luidens ’n verklaring wat Saterdag (08/02) deur die Dihlabeng-munisipaliteit uitgereik is, het ’n elektriese paneel Saterdagoggend vroeg oorstroom.

Dit het veroorsaak dat een van die pompe nie water na die reservoirs kon pomp nie. Weens beurtkrag was die reservoirs egter reeds amper leeg.

Onderdele om die pomp te herstel kon eers Maandag (10/02) van Johannesburg af kom, waarna herstelwerk begin het.

Inwoners is versoek om water spaarsamig te gebruik.

Verder is hulle genoop om Paul Roux se inwoners het verder ook vir dae aaneen sonder ’n Vodacom- en Telkomsein klaar te kom.

Luidens ’n verklaring van Telkom is ’n ooreenkoms met Vodacom bereik om van dié se sein gebruik te maak.

Telkom-kliënte moes onlangs hul ou telefone vir koordlose fone inruil, vandaar die ooreenkoms met Vodacom.

Luidens ’n verklaring van Vodacom word probleme weens beurtkrag oor die land heen ondervind.

In sekere gevalle het rugsteun-batterye ingeskop, maar die batterye kan net vir ’n sekere tyd hou. Vodacom het begin om kragopwekkers te gebruik om te voorkom dat kliënte sein verloor.

Vrystaat Nuus/News het intussen verneem daar is fout by die een toring, sowat 10 km vanaf Paul Roux in die rigting van Senekal.

Tegnici het Maandag herstelwerk begin en Vodacom-gebruikers word versoek om geduldig te wees.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Kontak ons
Stemme

Hallo, jy moet ingeteken wees of registreer om artikels te lees.