Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Plaashuis besiel rolprent

Die verhaal van twee vroue van Ficksburg wat ná ’n plaasaanval ’n plaashuis gaan skoonmaak het, het die jong rolprentmaker Dian Weys (29) só aangeraak dat hy ’n fliek daarvan wil maak.

Genene Moll Du Toit, ’n boervrou van die distrik, was in Mei 2008 in ’n hospitaal in Bethlehem ná die aanval waarin haar man, Jacques, vermoor is en haar seun, Xavier, ook aangeval is.

“Die vroue wou hê dat sy na ’n skoon huis moes terugkom – ’n huis sonder enige teken van die aanval,” wat gaan skoonmaak het, wou hê sy moet na ’n skoon huis – sonder enige teken van die aanval terugkom,vertel Weys.

Hy het in Carla van der Spuy se boek Plaasmoord: Slagoffers vertel self van hierdie twee vroue se daad van medemenslikheid gelees. Hy was so geraak deur dié toe hy daarvan dat hy dadelik die betrokkenes gekontak het en na hulle gery het om met hulle te gesels.

“Genene en haar gesin het die aanval as ’n getuienis van God se liefde gebruik,” vertel Weys.

“Genene het weer getrou en bly nou in Winburg. Ek het einde 2016 met haar gaan gesels toe ek in Fouriesburg was. Sy het my in kontak gebring met die vrou wat die plaashuis skoongemaak het.”

Twee uur later het hy in ’n restaurant gesit en met die vrou, Hanli van der Walt, gesels.

“Sy het ’n gewone skoonmaakdiens besit. Dit was die eerste keer dat sy ’n moordtoneel moes skoonmaak, en het haar suster, Gi-one, gevra om haar te help.”

Weys soek nou dringend geld om ’n kortprent, Plaashuis, oor die gebeure te maak.

Hy het aan Netwerk24 gesê hy besef die onderwerp van plaasaanvalle is sensitief en glo dit is waarom hy die afgelope vier jaar nie deur amptelike kanale soos die Nasionale Rolprent-en-videostigting geld kon kry om sy prent te maak nie. Sowat R200 000 is nodig.

“Ons doen skarebefondsing vir Plaashuis. Ons wil die prent dadelik gratis aanlyn plaas en so die geld aan die kykers teruggee. Dit blyk nou die enigste opsie te wees.”

Sy invalshoek is om die kyker “ ’n getuie van die verhaal te maak”, sê hy.

“Ek wil die spieël terugdraai sodat kykers hulself afvra wat hulle in so ’n situasie sou doen.”

Hy verkies dat gehore hul eie gevolgtrekkings maak.

“Ek wil nie ’n plaasaanval voorstel nie – dit gaan vir my oor wat daarna gebeur, hoe ’n gemeenskap daarop reageer en wat hulle doen.”

Die akteurs Nicola Hanekom, Martelize Kolver en Albert Pretorius is reeds tot die projek verbind.

  • Besoek plaashuis-kortfilm.com vir meer inligtingen volg die skakels na skenkings as jy ’n bydrae wil maak.
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kontak ons
Stemme

Hallo, jy moet ingeteken wees of registreer om artikels te lees.