Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Studente word só by Studiefondssentrum gehelp

Die Studiefondssentrum (SFS) van Solidariteit se Helpende Hand het die laaste vier jaar R1,2 miljoen aan Oos-Vrystaatse studente betaal.

Kobus Venter, streeks­organiseerder van Solidariteit Helpende Hand in die Vrystaat, sê dié geld is aan 11 leerlinge aan die Hoërskool Witteberg, 11 leerlinge aan die Hoërskool Voortrekker, 5 leerlinge van Harrismith en 3 leerlinge van Reitz, beskikbaar gestel.

Die SFS is een van die organisasie se grootste projekte. Die doelwit is om dit moontlik te maak vir Afrikaanse studente, wat dit andersins nie sou kon bekostig nie, om te studeer.

“Die SFS is ’n inisiatief van Solidariteit Helpende Hand wat in 2008 begin is om behoeftige Afrikaanse jong mense te help om deur middel van rentevrye studie­lenings te studeer,” sê Stefan Pieterse, hoof van die SFS.

“Lenings word toegestaan en studente wat afstudeer, betaal slegs die geld terug wanneer hulle begin werk, sonder dat enige rente of administrasiegeld gehef word.

“Studente wat by enige ge­akkrediteerde tersiêre instelling in Suid-Afrika wil studeer, kan om dié lenings aansoek doen.”

Oor die afgelope tien jaar is daar R13 miljoen aan studente in die Vrystaat uitbetaal.

Nuwe fonds vir Bethlehem

Solidariteit Helpende Hand se Bethlehem-tak beoog ’n Bethlehem-gemeenskapstudiefonds.

“Dit is uit die gemeenskap, vir die gemeenskap,” sê Venter.

Dié fonds sal met R20 000 begin word, wat die tak in die loop van 2019 vir hierdie doeleindes eenkant gesit het.

Enige Afrikaanse leerling wat matriek aan ’n Bethlehem-skool voltooi en aan ’n tersiêre instelling gaan studeer, sal kan aansoek doen.

Elize Claassen, voorsitter van die Bethlehem-tak, sê die tak is baie opgewonde oor die nuwe studiefonds en nooi lede van die gemeenskap om die tak te kontak indien hulle tot die fonds wil bydra.

Aansoeke sal ook deur die nasionale aanlyn sisteem werk.

Bel Elize Claassen (takvoorsitter) by 083-613-7151 of Kobus Venter (streeksorganiseerder) by kobus@­helpendehand.co.za om betrokke te raak.

Die SFS op nasionale vlak

Op nasionale vlak het Solidariteit Helpende Hand se SFS tot dusver vanjaar R42 miljoen se geldelike steun gewerf om meer as 1 300 behoeftige Afrikaanssprekende studente in 2019 te help om te studeer.

Volgens Pieterse is dit die produk van harde werk en meer as 200 skenkers se oop hart en hande. Hy het gesê die SFS het vanjaar die 5 000 ste student gehelp om te studeer en ongeveer R197 miljoen is die afgelope tien jaar aan studente se studies spandeer.

Die SFS maan voornemende studente om kennis te neem dat aansoeke vir 2020 se studiejaar streng op 30 September sluit.

Vir meer inligting besoek helpendehand.co.za/studiefonds­sentrum.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Kontak ons
Stemme

Hallo, jy moet ingeteken wees of registreer om artikels te lees.