Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Atlantis-verdagtes maak amok in Yzerfontein

Die rustige dorp Yzerfontein is die naweek oornag in ’n misdaadnes verander toe gewapende rowers amok gesaai het.

Goeie samewerking tussen polisielede van Darling en Atlantis het verseker dat drie mans Maandag 20 Augustus in die vroeë oggendure aangekeer is.

Die vermeende rowers is almal van Atlantis.

Die drie het Sondagaand hul sending begin toe hulle ’n rooi Toyota Corolla in Atlantis gesteel het. Die gewapende mans is hierna na Yzerfontein waar hulle ’n rubberboot probeer steel het.

Dit was ook hiér waar hulle met die gereg gebots het.

’n Oor-en-weer-skietery tussen die verdagtes en die polisie het uitgebreek. Niemand is in die voorval beseer nie.

Volgens kapt. F.C. van Wyk, ’n provinsiale polisiewoordvoerder, het een van die verdagtes beheer oor die gesteelde motor verloor en naby Yzerfontein van die pad af gery, waarna die insittendes die hasepad gekies het. Die mans het in verskillende rigtings weggehardloop.

Een van hulle het, terwyl die polisie, buurtwagte, plaaswagte en lede van private sekerheidsmaatskappye na die verdagtes gesoek het, by die Weskus-padstal ingebreek.

Twee ander het ’n vrou omstreeks 07:30 op ’n nabye pad in die omgewing in haar motor gekaap terwyl sy op pad werk toe was. Dié twee het met hul nuwe gesteelde ryding by ’n nabygeleë kleinhoewe stilgehou en daar ook toegeslaan.

’n Verdagte is later op die Weskus­pad/R27 aangekeer en nog twee is later in Atlantis in hegtenis geneem. Volgens ’n polisiebron is die verdagtes vermeende bendelede.

Een van die mans het reeds ’n bekentenis afgelê.

Die bron sê inligting in die bekentenis het tot die inhegtenisneming van sy makkers gelei.

Van die gesteelde goedere is teruggevind. Drie verdagtes is teen Dinsdag vasgekeer.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.