Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Bendes se dae is getel, sê keelvol Atlantis-inwoners

Bendegeweld is besig om die Atlantis-gemeenskap keelvol te maak ná nog ’n sinnelose moord op ’n 23-jarige man.

Cameron Swartz van Paragonstraat is Woensdag omstreeks 06:30 in ’n spazawinkel van agter geskiet nadat hy iets wou koop op pad werk toe.

Volgens omstanders op die toneel in Penelopestraat, was Swartz reeds in die winkel toe die skieters hom van agter twee keer in die kop geskiet het. Omstanders vertel twee verdagtes het te voet van die toneel gevlug.

Kapt. FC van Wyk, ’n provinsiale polisiewoordvoerder, het bevestig ’n klag van moord word ondersoek en sê die oorledene het op die toneel aan sy wonde beswyk.

Atlantis is die afgelope tyd deur verskeie moorde geruk, veral op onskuldiges en die gemeenskap is besig om in opstand te kom. Gemeenskapslede het onlangs saamgekom om die Atlantis Community Action Group Against Gangsters and Drugs (ACAGAD) te stig. Lede van dié organisasie meen dit is nou die tyd dat inwoners hul strate terugeis.

“Ons is nie ’n vigilante groep wat geweld aanhits nie,” het een van die stigterslede, wat om veiligheidsredes anoniem wil bly, aan Weskus Nuus gesê. “Ons is hiér om ons strate terug te eis, om bendegeweld te stop deur elemente in samewerking met die regstelsel te verwyder,” meen dié groep.

“Bendebase- en lede sal nou verantwoordelik gehou word vir hul optrede en die gemeenskap beplan om in hul hordes na bendelede se huise op te ruk.” Ouers, familielede en geliefdes wat misdrywe verberg en borgtog betaal, sal moet ophou.

“Ons het ’n reg om ’n vreedsame lewe te lei, maar ons lewe in vrees en word gevange gehou deur ’n handjievol bendelede.”

Dié groep het Saterdag tydens hul eerste saamtrek belowe dat straatkomitees, meer buurtwagte vir gebiede wat deur hulle as brandpunte geïdentifiseer is, gestig gaan word. Die groep se FB-blad gons behoorlik van ondersteuning en inwoners is dit eens dat as hulle die koronavirus kan beveg, kan bendes ook beveg word.

Een inwoner het aan Weskus Nuus gesê hy is bereid om met sy lewe te boet net om sy kinders se toekoms in Atlantis te verseker.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.