Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Burgemeester bederf die vroue

Die burgemeester van die Stad Kaapstad, Dan Plato, het Sondag 30 Augustus Vroue­maand in Atlantis op ’n gepaste wyse afge­sluit en 2 000 vroue met geskenkpakkies verras.

Die burgemeester het vroue gevra om hul stem dik te maak teen die geweld teen vroue en kinders.

“Vroue moet praat as hulle slagoffers van geslagsgeweld is, want dit kan in die huis of enige ander plek gebeur,” het Plato gesê.

Plato het die vroue van Atlantis gemaan om geslagsgeweld by die polisie aan te meld en het gesê hulle moet beskerm word omdat hulle die omsieners in ons gemeenskappe is.

“Jy moet ook na jou suster, moeder, vriendin en kollega omsien wat deur geslagsgeweld geraak word,” het die burgemeester gemaan.

Die proporsionele raadslede Joseph Witbooi en Allister Lightburn het op hul beurt ook sterk uitgevaar teen mans wat hul skuldig maak aan geweld teen vroue en kinders. Dié twee het mans gevra om die vroue in hul lewe te beskerm en te respekteer.

Die wyksraadslid Barbara Rass, wat ’n jare lange kampvegter teen die mishandeling van vroue is, het inwoners gevra om sterk te staan teen mans wat vroue mishandel en het vroue gemaan om nie oortreders se doen en late weg te steek nie. “Ons is die rotse en fondamente van die huishouding en mans moet dit aanvaar en vrede daarmee maak,” Rass bygevoeg.

Cynthia Clayton, wyksraadslid van wyk 29, het op haar beurt vroue in die gebied geprys as prinsesse van die dorp. Vroue is bederf met pakkies wat lekkernye en persoonlike artikels bevat.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.