Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Dít ‘gaan jaagduiwels help’

Dit het baie “hard praat” gekos, maar die stryd is gewen, meen wyksraadslid Cynthia Clayton nadat kontrakteurs verlede week begin het met die installasie van ligte in Klein Dassenberg-rylaan.

“Ek self het ’n paar benoude oomblikke op die donker pad ervaar,” sê Clayton.

Rondloperdiere is ook voortdurend ’n probleem op die donker pad.

Die nuwe ligdiodeligte wat nou aangebring word, sal in drie fases gedoen word met fase een wat tot by die afdraai van Hermes-rylaan sal strek.

Fase twee en drie sal in die volgende finansiële boekjaar gedoen word, verduidelik sy.

Inwoners het behoorlik gal op sosiale media gebraak en gesê die ligte gaan jaagduiwels nou net beter “help” omdat daar ligte is. Die pad word veral naweke vir onwettige renne gebruik.

“Alles kan nie net in ’n negatiewe lig gesien word,” het een geskryf.

Sommige inwoners het ook vertel dat verskeie mense hul lewe verloor het weens rondloperdiere wat in die donkerte oor en weer oor die pad loop.

Volgens Barbara Rass, ’n plaaslike raadslid, het die diefstal van die ligte op die ou Mamre-Darlingpad die Kaapse stadsraad reeds duisende rande uit die sak gejaag. Rass meen diefstal is ’n wesenlike probleem en maniere moet gevind word om die hok te slaan.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.