Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Gemeenskap help polisie

Die verhouding tussen die polisie en die gemeenskap is gewis gesond en werp vrugte af, sê kapt. Cyril Dicks, ’n plaaslike polisiewoordvoerder.

Verskeie mans is die afgelope naweek in hegtenis geneem in verband met dwelmverwante aanklagte.

In een voorval is ’n man (23) in Witsand aangekeer nadat die gemeenskap sy adres aan die polisie gegee het. Volgens Dicks is die man met tik van sowat R11 000 betrap.

In nog ’n voorval is ’n man aangekeer vir handel in dagga en dwelms nadat die polisie inligting opgevolg het.

Inwoners het ook die polisie naaldgesteek oor ’n besending tik wat uit Tableview op pad Atlantis toe was. Volgens Dicks was twee mans besig met hul aflewering toe die polisie toeslaan.

’n Nigeriese man (36) van Tableview en sy 34-jarige makker van Atlantis is aangekeer toe die polisie tik ter waarde van R50 000 in hul motor gevind het.

Die polisie het nóg ’n verdagte wat probeer weghardloop het nadat hy die polisie in Buntingsingel, Robinvale, gewaar het, in hegtenis geneem.

Dicks sê twee polisiebeamptes het die man te voet agterna gesit en aangekeer. Tik en ’n speelgoedvuurwapen is in sy besit gekry.

Al die verdagtes het Maandag 27 Mei in die plaaslike hof verskyn.

Genl.-maj. Aneeqah Jordaan, sektorbevelvoerder van die Milnerton-polisie, en Michael Ledimo, die stasiebevelvoerder, het die gemeenskap vir hul bydrae tot misdaadbekamping bedank.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.