Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Gesin verloor alles ná rowers brand stig

Inbrekers het ’n familie van Beacon Hill meer skade aangedoen as wat hulle kon buit.

Dié skurke het Vrydagnag, 13 Septem­ber, by die Smith-familie se motorhuis ingebreek, maar kon niks waardevol kry en het die motorhuis toe aan die brand gesteek.

Volgens die inwoner, Jerome Smith, het hy net voor 02:00 van ’n klopgeluid uit die motorhuis wakker geword. “Ek het gesien die motorhuis brand en die vlamme was reeds besig om na die huis te versprei. Die plek was gou onder die vlamme,” vertel hy. “Ek kon net my vrou en seun na veiligheid bring en die huis was binne minute aan die brand,” vertel hy emosioneel. “Ons is net dankbaar dat niemand seergekry het nie en die brandweer en polisie was gelukkig gou op die toneel.”

Volgens ’n buurvrou, wat anoniem wil bly, loop daar gedurig “vreemde gesiggies” in hul buurt rond en is 02:00 glo die tyd wat niksvermoedende inwoners geteiken word.

“Ons loop gereeld onder die skurke deur en ek het mans net ná die brand sien wegstap,” vertel sy.

Volgens Smith is daar reeds ’n paar keer al by sy motorhuis ingebreek, maar nooit in sy wildste drome het hy gedink dat die skurke die plek aan die brand sou steek nie.

Die familie se huis en meubels is in die brand verwoes en hulle bly tans by familie. Volgens kapt. Cyril Dicks, Atlantis-polisiewoordvoerder, is ’n dossier aangelê. Teen druktyd is niemand nog in verband met die voorval in hegtenis geneem nie.

Weskus Nuus en Radio Atlantis het ook gehelp om die gesin van noodsaaklikhede te voorsien.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.