Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
‘Huis was vol bloed’

Kanonkop-inwoners het Donderdag 6 September voor die Atlantis-hof byeengekom om te betoog teen ’n 48-jarige ma se vermeende moordenaar.

Gerrit Hesselman (51) word daarvan beskuldig dat hy sy vervreemde vrou, Wilhemina Hesselman (48), verskeie kere met ’n mes in haar slaap doodgesteek het.

Die slagoffer se emosionele suster, Karen Dulman, vertel haar swaer het Wilhemina Maandag 3 September só gesteek dat haar longe op die grond beland het.

“My suster het al verskeie aanrandingsake teen hom aanhangig gemaak. Sy was besig om van hom te skei.

“Sy het vroeër die aand nog by my gekuier. Sy het gesê sy wens net die skei kan klaar kom, want hulle het vroeër die aand weer gestry,” sê Dulman.

Die paartjie van 25 jaar het vier kinders en was van bed en tafel geskei.

Dulman vertel verder haar suster se 13-jarige kleinkind het op die grutoneel afgekom terwyl die verdagte besig was om sy ouma te steek. “Hy het probeer keer, maar sy oupa het hom weggetrap.

“Ons weet nie hoeveel keer hy haar gesteek het nie. Dit was baie keer, die hele huis was vol bloed. Waarom het hy haar nie net gelos nie? Waarom moes hy haar so wreed vermoor?” wou Dulman weet.

Hesselman het homself in die nagtelike ure aan plaaslike polisie oorgegee. Barbara Rass, wyksraadslid en kampvegter vir vroue en kinderregte, het die familie by die hof ondersteun. Sy meen mans moet eerder ’n vrou los as om haar dood te maak.

Rass het ná die hofverrigtinge gesê geregtigheid moet geskied en die stelsel moet nie die familie faal nie.

“Hy kom voor as ’n ordentlike mens, maar dit kan ook misleidend wees,” meen sy. Die verdagte sal weer Woensdag 12 September in die hof verskyn vir ’n borgtogaansoek.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.