Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Kleuterskool kry wind van voor

Ongeveer 130 leerders se daaglikse roetine is ontwrig danksy skurke wat nie hul sin kon kry met ’n inbraak by Saxonsea-kleuterskool nie. Nou moet ouers ander heenkome vir hul kinders vind.

“Die skool het brandskade opgedoen nadat kwaaddoeners probeer het om die plek af te brand toe hulle nie toegang tot die skool kon kry nie,” verduidelik die hoof, Belinda Jooste.

Volgens Jooste het hulle Donderdagog­gend 10 Oktober op die toneel afgekom nadat hulle die skool oopgesluit het.

“Rook het meer skade as die vlamme aangerig en ons moes die kinders huis toe stuur,” vertel sy. “Ons het ’n smeulende vuur onder die venster, waar die verdagte wou kom, gekry. Hulle kon egter nie toegang tot die skool kry nie.”

Haar vermoede is dat die kwaaddoeners toe ’n brandende voorwerp op die tafel gegooi het waar die kinders se boeke is.

“Ons is net dankbaar dat daar nie erger brandskade is nie, maar niemand sal die ontwrigting verstaan nie,” kla sy.

Volgens Anthea Westfall, ’n onderwyser by die skool, is die plafonne nou pikswart en die personeel is besig om alles skoon te maak. Westfall sê dit gaan ’n maand neem om die plek weer piekfyn te kry terwyl onderrig nie sal kan voortgaan nie. “Ons probeer hard om ’n alternatiewe plek te kry en die wyksraadslid was baie behulpsaam,” vertel sy. Volgens raadslid Cynthia Clayton het sy probeer om die kleuterskool by die Thusong-sentrum te huisves, maar dit voldoen nie aan die vereistes nie. “Ek het die personeel gevra om aan ’n plek te dink sodat ons hulle kan bystaan,” voeg sy by.

Dit is die tweede geval in weke waar inbrekers plekke aan die brand steek as hulle nie iets waardevols of toegang kan kry nie. In die laaste uitgawe het Weskus Nuus berig oor die Smith-familie van Beacon Hill wat ook dakloos gelaat is nadat inbrekers hul motorhuis aan die brand gesteek het. Volgens kapt. Cyril Dicks, ’n polisiewoordvoerder, word ’n klag van brandstigting ondersoek. Geen verdagtes is nog in hegtenis geneem nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.