Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Leiers span saam om Rotariërs op been te bring

Verskeie plaaslike leiers het die nood vir ’n Rotariërs-klub in Atlantis raakgesien en dadelik aan die werk gespring.

Volgens Danny Pietersen, president van die Atlantis-Rotariërs, het ver­skeie ontmoetings vanaf September 2017 met Jeremy O’Ryan, lid van Kirstenbosch-Rotariërs, begin om dié droom te bewaarheid.

Die Rotariërs is ’n sosiale klub waar sakemense, gemeenskapsleiers, bure en vriende bymekaarkom om probleme op te los, idees te deel en aksie te neem wat blywende verande­ring te weeg bring.

Volgens Pietersen het Waldy Kastoor en Russel Andrews, die gesprekke gelei om die wiel aan die rol te sit vir die vestiging van dié klub, terwyl Melkbos-Rotariërs ’n kritieke rol gespeel het met die administrasie en het by die plaaslike klub die leiding geneem.

Nadat volledige opleiding aan plaaslike leiers gegee is, is die Atlantis-Rotariërs amptelik op 10 Februarie bekendgestel met ’n ete by die Orion-organisasie.

By dié geleentheid is die Rotariërs se borswapens en naamplaatjies aan lede oorhandig. Die eerste amptelike vergadering het Dinsdag 18 Februarie by Reygersdal Primêre skool plaasgevind en die klub spog tans met 30 lede.

Die klub se eerste bestuur is: Danny Pietersen (president), Melchior Petersen (visepresident), Hannl Cronjé (kassier) en Terence Adams (sekretaris).

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.