Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Lekkergoed los nou wrang smaak

Dit blyk of die kanse skraal is vir die byna 300 mense om hul geld terug te kry vir die lekkergoed-geskenkpakke wat hulle verlede jaar gekoop het.

Die broers, Faizel en Abdurauf Hen­dricks, maak glo weer leë beloftes na­dat hulle hand en tand belowe het kliënte sal teen 25 Januarie hul geld óf lekkernye kry. Dié twee het na bewe­ring meer as R250 000 ontvang van mense wat lekkergoed-geskenkpakke gekoop het.

Die Hendrickse het aan Weskus Nuus gesê hulle doen alles in hul vermoë om die mense se geld terug te kry. “Ons het niks nie. Ons het ’n saak teen die mense wat ons geld skuld aanhangig gemaak,” het hulle in ’n WhatsApp-boodskap gesê. Die twee beweer hulle moes tot skoene en selfone leen om kontak met mense te kan maak.

Kopers meen egter dis alles net leuens. “Hulle lieg,” sê Lee-Ann Abra­hams van Protea Park wat kliënte vir die Hendrickse gewerf het. “Hulle is dan vennote in twee weg­neem­eetplekke en het beslis geld,” meen sy.

Volgens Abrahams, wat meer as 20 geskenkpakke bestel het, was die pak­kies wat sy wel ontvang het vol goed­koop aanmaakkoeldrank en Bubbles. Die broers het glo dié lekkergoed kom haal toe sy by die werk was.

Ander ongelukkige kliënte vertel ook hulle is nooit deur die broers gekontak nie. Diegene wat met Weskus Nuus gesels het meen dit is ’n groot bedrag geld en is dit eens dat hulle liewer hul geld wil terughê.

Kliënte meen as die twee ernstig is, sal hulle selfs die geld afbetaal. “Hulle het hier en daar vir mense wat hulle ken pakkies afgelewer, maar meeste van die mense het geweier om die goedkoop lekkergoedpakke in ontvangs te neem.” Die Hendrickse sê hulle sal kliënte laat weet wanneer alles uitgesorteer is.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.