Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Mamre-mense murmureer

Genoeg is genoeg!

Sowat 200 inwoners van Mamre het Saterdag 15 Februarie die strate inge­vaar om ’n duidelike boodskap aan dwelmhandelaars te stuur: “Hul uurglas is besig om leeg te loop”.

Dié optrede volg nadat misdaad die afgelope paar jare hoogty vier in die eens rustige sendingdorpie.

Jo Cooper van die Mamre-inwoners­vereniging het die dwelmhandelaars gevra om hul bedrywighede te staak, want dit gaan nie langer geduld word.

Cooper sê voorts hulle het ook spaza-winkels, wat deur buitelanders bedryf word, besoek en gevra om hul bedrywighede te staak, want hulle verkoop glo onwettige goedere aan kinders. Inwoners het ook gevra dat dié winkels teen ’n sekere tyd gesluit moet word.

Van die betogers het aan Weskus Nuus gesê hulle is moeg vir inbrake en voer ook aan dat mense in die vroeë oggendure op pad werk toe beroof word.

“Ons gaan nie ophou totdat die euwel verwyder is nie. Die polisiekantoor moet ook weer oopgemaak word, want dit sal bydra tot meer sigbare poli­siëring in die dorp,” meen Cooper.

Kapt. Cyril Dicks, Atlantis-polisie­woordvoerder, sê die heropening van die satelliet-polisiekantoor is ’n besluit wat slegs deur die nasionale polisieleiers gemaak kan word en hul hande is afgekap.

Volgens Dicks is daar daagliks polisielede van 08:00 tot 16:00 sigbaar.

Die vereniging doen ook ’n beroep op kerke, pastore en organisasies om die gemeenskap te help om die sosiale probleme aan te spreek.

Volgens Cooper sal die situasie gemonitor word deur die inwoners om verdere optrede te bepaal.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.