Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Misdaad kom in die soeklig

Die Wes-Kaapse premier, Alan Winde, het Dinsdag 15 Oktober sy misdaadbekampingsplan vir die provinsie in die Saxonsea-gemeen­skapsaal met meer as 300 inwoners gedeel.

Volgens die premier sal dit een van die duurste uitgawes wees vir dié provinsie en beoog hy om R1 miljard in die eerste jaar uit te gee.

Hy sê voorts 3 000 wetstoepassers sal opgelei word met 150 van hulle wat ondersoekbeamptes sal wees om te help met die samestelling van dossiere. Volgens die premier is die plan onmiddellik van krag met opleiding van die eerste 1 000 wat eersdaags sal begin.

“Die Stad Kaapstad is ’n belangrike vennoot en sal die opleiding aan die wetstoepassers verskaf,” het hy gesê.

Winde sê ’n toetslopie is reeds in een van die bendegeteisterde gebiede gedoen waar moord algemeen voorkom en meen dit was ’n reusesukses en sal die provinsie se moordsyfer oor 10 jaar met die helfte minder maak.

Winde het inwoners verseker dat die provinsiale regering nie gaan terugsit en kyk hoe veral geweldsmisdaad gemeenskappe in vrees laat leef en niks daaraan doen nie, siende die polisiediens “ ’n tekort aan hulpbronne het”.

Hy het ook verseker dat elke minister in sy kabinet gaan bydrae tot die sukses van dié plan. Volgens Winde is dit belangrik om kinders, ouers en gemeenskappe te bemagtig om nie geweld te gebruik nie en is die plan om na al die komponente van veiliger gemeenskappe te kyk.

Veiligheid van skole sal voorkeur geniet en die opgradering van infrastruktuur en die implementering van programme wat daarop gemik is om geweld by skole te verminder en waardes by leerders te vestig, sal ook aandag geniet.

Die premier het belowe om oor die volgende 12 maande te verseker dat 8 000 van die kinders wat die meeste kwetsbaar vir geweld is – veral seuns – toegang het tot inisiatiewe om hulle smiddae besig te hou.

Winde het bygevoeg die tyd vir praatjies is verby. “Dis tyd vir aksie en optrede.”

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.