Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Polisie gebruik skerp ammunisie op betogers

Inwoners van Mamre sê hulle is keelvol vir leë beloftes en soek behuising en werksgeleenthede vir die werklose jeug van die dorp.

Inwoners het gisteroggend (Maandag 27 Julie) alle in- en uitgange na die dorp versper.

Volgens ’n inwoner, Elvino Skippers, het hulle vreedsaam betoog, maar die polisie het nie hul samewerking gegee nie. Terwyl motorbande in die pad gebrand het, het die polisie inwoners gemaan om uitmekaar te gaan omdat hulle die Rampbestuurswet oortree.

Met Weskus Nuus se besoek, het polisielede met rubberkoeëls op betogers geskiet waarna inwoners klippe en bottels na die polisie geslinger het. Terwyl inwoners onthuts gelaat is oor die manier hoe die polisie die situasie hanteer het, het die polisie skerp ammunisie gebruik om die skare uitmekaar te dryf. Verskeie mense is deur die polisie in hegtenis geneem vir oproerige gedrag. Skippers vertel baie inwoners is reeds 30 jaar op ’n waglys en voel ook dat die polisie nie juis baie doen om die gemeenskap teen misdadigers te beskerm nie.

“Ons het vreedsaam met plakkate gestaan en die polisie gevra om mense te beveel om eerder om te draai, maar die polisie het mense in en uit gelaat, wat inwoners kwaad gemaak het en vure het weer begin opvlam,” vertel Skippers.

Die inwoners versoek ook dat die burgemeester hulle moet kom toespreek oor hul kwessies.

Volgens brig. Novela Potelwa, ’n provinsiale polisiewoordvoerder, is verskeie mense vir oproerige gedrag in hegtenis geneem. Teen druktyd was die situasie steeds gespanne en het die polisie se openbare orde-eenheid ook opgedaag.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.