Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Raadslede moet in toekoms baie meer sigbaar wees

Raadslede het Maandag 3 Februarie ’n terugvoervergadering vir die inwoners van wyk 32 gehou.

By dié vergadering het die voorsitter van subraad 1, Nora Grose, gesê raads­lede sal in die toekoms meer sigbaar in die gemeenskap wees.

“Dienslewering is nie onderhandel­baar nie en ek sal seker maak dat elke raadslid sy of haar werk doen en aan die gemeenskap terugrapporteer,” het Grose gesê.

’n Nuwe stelsel word in die volgende paar dae geïmplimenteer waar gemeen­skapslede klagtes en versoeke op ’n vorm invul wat dan deur Grose se kantoor beheer sal word.

Grose het ook gesê vergaderings sal nie meer gehou word net omdat daar ’n vergadering moet wees nie, maar om eintlik terugvoering aan die gemeen­skap te gee.

By die vergadering het die subraad­voorsitter uitgevaar teen diegene wat “slegs kritiseer en verskuilde agendas” het en gesê hulle is nie verplig om saam te werk nie, maar moet opsy staan sodat dié wat die dorp wil laat uitstyg hul werk kan doen.

Vir die subraad is een van die groot­ste probleme in Atlantis en omlig­gende dorpe behuising. Grose sê dit gaan nie oornag verdwyn nie en het ’n dringende vergadering reeds met die betrokke burgemeesterskomiteelid aangevra.

“Ek is daartoe verbind om hierdie uitdaging aan te pak, want hierdie probleem duur reeds jare en dit is totaal en al onaanvaarbaar omdat dit nooit opgelos word nie. ’n Dringende vergadering is reeds met Malusi Booi, burgemeesterskomiteelid vir menslike nedersetting vir die metro, belê,” het Grose gesê.

Munisipale amptenare is ook gevra oor waarom die prosesse so sloer.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.