Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Teiken die DA bruin leiers?

“Bruin leiers in die DA word geteiken om plek te maak vir wit raadslede.”

Só meen die voormalige DA-propor­sionele raadslid, Gregchan Bernardo.

Dié storm is ontketen ná pogings om ook van die subraadvoorsitter, Cynthia Clayton, van dié posisie te onthef.

Clayton het vroeër die maand glo ’n brief van die party se hoofsweep, Desiree Visagie, ontvang waarin sy gevra is om haar pos te ontruim en vrywillig te bedank. Weskus Nuus het vertroulik verneem dat daar nog ander subraadvoorsitters is waarvan die party wil ontslae raak.

Clayton wou nie bevestig of sy gevra is om as subraadvoorsitter te bedank nie, maar het wel gesê “sy is besig met ’n regsproses” en Visagie wou nie kommentaar daaroor lewer nie.

Grant Twigg, streekvoorsitter vir die DA en burgemeesterskomiteelid vir area-noord, waaronder Atlantis val, het ook onlangs ’n mosie van wantroue teen hom oorleef.

Volgens Bernardo verbaas dit hom glad nie, want dit is presies wat hy as raadslid ervaar het.

Bernardo sê dit is duidelik dat topposisies net vir wit lede van die DA bestem is.

Dít was vir hom bevestig toe die provinsiale leierskap van die party onlangs glo ingegryp het toe daar ’n mosie van wantroue teen JP Smith, burgemeesterskomiteelid vir veiligheid en sekuriteit, ingedien is.

Smith het egter aan Weskus Nuus gesê daar was geen “inmenging” nie, en die mosie is onttrek.

Weskus Nuus het met die betrokke raadslid wat die mosie teen Smith ingedien het gepraat en hy wou nie bevestig of sy mosie wel onttrek is nie.

Weskus Nuus het ook vir Smith, wat die party se adjunkkoukus­leier in die Kaapse-metro is, gevra of hy dink daar ’n beweging is om van bruin leiers ontslae te raak, waarop hy gereageer het “mense sal baie dinge sê om die DA te diskrediteer.”

Smith het ook op sy beurt gesê die “korrekte prosedure is gevolg om Clayton te vervang”.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.