Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Trotse Tannie Jacoba skakel rommelhoop in pragtuin om

Die 70-jarige Jacoba Pienaar sê dit het haar omgekrap dat mense hul rommel op die stukkie grond kom strooi en besluit om iets aan die saak te doen.

“Ek het verskeie dae na die kantoor gestap om te kla. Die vullis het ’n gesondheidsrisiko vir almal hier in Charnwood Close in Sherwood-park ingehou,” vertel Pienaar.

“Die dag toe die Stadsraad vier jaar gelede besluit het hy kom maak skoon, was ook die dag dat ek besluit het hier sal nooit weer gestort word nie.”

Volgens Pienaar het sy haar familie ingespan en ’n tuin op die oop stuk grond, waar rommel net gegooi is, begin uitlê.

Sy het egter steeds struikelblokke.

“Sedert verlede jaar se droogte sukkel ons vreeslik met water vir die tuin,” sê Pienaar. Sy sê die tuin het byna tot niet gegaan as gevolg van die tekort aan water.

“Almal het maar hul gryswatertjies daar gaan gooi net om die blomme aan die lewe te hou, maar ons het dringend water nodig om die tuin nat te maak en aan die gang te hou,” sê Pienaar.

Volgens Barbara Rass, ’n plaaslike wykraadslid vir die gebied, is water “oral ’n probleem”.

“Die Stad sukkel self om sy velde en parke in stand te hou en gryswater word oral vir dié doel gebruik,” sê Rass.

Sy het aan Weskus Nuus gesê sy probeer om die familie te ondersteun en sal haar bes doen om gryswater aan die familie te verskaf.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.