Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Werkers nou tevrede met eise

Werkers van Hisense is ná ’n staking van drie weke weer terug by die werk.

Volgens Alfredo Smit, orga­niseerder van die Nasionale Unie van Metaalwerkers van Suid-Afrika (Numsa), is ’n ooreenkoms Woensdag 5 Febru­arie bereik nadat base nie bereid was om met die unie of werkers te praat nie.

Volgens Smith kon werkers nie al die eise kry nie, maar is hulle tevrede met die 7%-verhoging vir twee jaar. Hy sê die verhoging is terugwerkend wat beteken werkers sal be­taal word vir die tyd wat hulle gestaak het.

Werkers sal ook ’n verdere drie dae verlof bykry en Hisense moet ook ’n verpligte bonus van 40% betaal terwyl die res van die bonus uit ander komponente soos bywoning en gehalte bestaan.

Meer as 1 200 werkers en inwoners het Dinsdag 28 Janu­arie in ’n optog na die fabriek gewys hulle is ernstig oor hul eise terwyl die Hisense-bestuur geweier het om die werkers se memorandum in ontvangs te neem.

Volgens Smit het Hisense se bestuur sedert die begin van die staking nie ’n enkele poging aangewend om “die probleem op te los nie”. Smit sê die bestuur het eerder tydelike werkers gekry om werk te laat voortgaan.

Hy sê voorts as werkers onder “normale omstandig­hede” verhogings eis, sal base met ’n teenvoorstel kom en onderhandelinge sal dan begin waarna ’n ooreenkoms bereik sal word.

In daardie stadium het Hisense egter teruggekap in ’n verklaring en gesê Numsa wil die fabriek se bedrywighede stop wat tot werksverlies kan lei. Hisense was ook van mening dat die oorspronklike eis van ’n 15%-verhoging onredelik is en tot afdankings sou lei.

Die departement van handel en nywerheid het ingegryp en almal bymekaar gekry waarna ’n ooreenkoms bereik is.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.